வழமையாக என் வாசகர்களுக்கு 3 வருடங்களுக்கு ஒருமுறை என் சொத்து வருமானம் ஆகியவற்றின் விவரங்களை அறிவிப்பது வழக்கம். காரணம் இந்த ஊழியத்தை தாங்குவதும், ஜெபிப்பதும் வாசகர்கள்தானே. ஆகவே என்னைப்பற்றி என் குடும்பத்தைப்பற்றி ஆகிய எதையும் என் வாசகர்களுக்கு நான் மறைப்பதில்லை. நானும், என் குடும்பமும் வாசகர் குடும்பமும் ஒன்று. நான் அவர்களில் ஒருவ்ன ஆவேன்.

என் வீடு: இதற்குமுன் பலமுறை நான் ஜாமக்காரனில் எழுதி அறிவித்ததைப்போல் கடந்த 72 வருடங்களாக ஒரே வீட்டில்தான் இப்போதும் வாழ்கிறோம். புதிய வீடுகளோ, சொத்துக்களோ எதுவும் நாங்கள் வாங்கவில்லை.

வாகனம்: அதுவும் 42 வருடமாக நான் உபயோகிக்கும் அதே புல்லட் 1962 மாடல் இரு சக்கர வாகனம்தான் உபயோகிக்கிறேன். கார் பியட் கம்பெனியின் Palio என்ற பழைய வண்டியைதான் இப்போதும் உபயோகிக்கிறேன். குடும்பமாக வெளியில் போகும்போதுமட்டும் அந்த காரை உபயோகிக்கிறேன்.

என்னுடைய பிள்ளைகள்: எனக்கு இரண்டு பிள்ளைகள் ஒரு மகன், ஒரு மகள். இருவரும் திருமணம் முடித்து தங்கள் பிள்ளைகளுடன் சமாதானத்துடன், தேவையான வசதியுடன் குடும்பம் நடத்துகிறார்கள்.

என்னுடைய வருமானம்: என் மனைவி அரசாங்க மருத்துவமனையில் வேலை செய்து VRS விருப்ப ஓய்வு பெற்று பென்ஷன் பெறுகிறார். நான் என் டாக்டர் தொழிலைவிட்டு முழுநேர ஊழியனாக ஊழியம் செய்வதால் எனக்கு ஜாமக்காரன் பத்திரிக்கை ஊழியத்துக்காக வரும் காணிக்கை பணத்திலிருந்து என் செலவையும், பத்திரிக்கை செலவையும், ஆதிவாசிகள் மத்தியில் செய்யும் ஊழிய செலவையும் அதிலிருந்து எடுத்துதான் செலவு செய்கிறேன்.

எனக்கு எங்கும் கடனுமில்லை - சேமிப்பும் இல்லை: சேலத்தில் நான்கு வங்கிகளின் வழியாக வரும் காணிக்கைகளை எடுத்து கையாளுகிறேன். இதைத்தவிர சேலத்தில் வேறு எந்த வங்கியிலும் எனக்கு கணக்கும் இல்லை, தொடர்பும் இல்லை.

Dr.M.G.E.PUSHPARAJ என்ற பெயரில் வங்கி கணக்கு வைத்துள்ளேன். அவைகளின் விவரம்:

STATE BANK OF INDIA (SALEM-1970)
A/C No: 10764116842
SWIFT CODE: SBININBB637- 10764116842
IFSC CODE: IFSC SBIN0001970 -10764116842

CANARA BANK - SALEM
(SURAMANGALAM BRANCH)
A/C No: 1219101013622.
SWIFT CODE: CNRB0001219 -1219101013622.
IFSC CODE: IFSC CNRB0001219- 1219101013622.

STATE BANK OF TRAVANGORE
(SALEM BRANCH CODE - 70328)
A/C No: 57041760879.
SWIFT CODE: SBTR0000328- 57041760879
IFSC CODE: SBTR0000328, RBCMS BXX - 57041760879.

SYNDICATE BANK (SALEM SURAMANGALAM BRANCH)
A/C.No: 2200009312.
SWIFT CODE: SYNBINBB027 6293-2200009312.
IFSC CODE: SYNB0006293-2200009312.

இந்த 2013 மார்ச் மாதம் 27ம் தேதிவரை என் நான்கு வங்கிகளிலும் உள்ள தொகை:
STATE BANK OF INDIA                                    = Rs. 44,606.43
CANARA BANK - SALEM                                   = Rs. 30,222.00
STATE BANK OF TRAVANGORE                         = Rs. 29,155.93
SYNDICATE BANK (SURAMANGALAM BRANCH) = Rs.   1,657.68

இந்த தொகை ஒவ்வொரு மாதமும் முதல் இரண்டு வாரத்தில் ஜாமக்காரன் பத்திரிக்கை செலவுக்கும், மற்ற தேவைகளுக்கும் ஏற்றபடி மளமளவென்று அதிகமாகும். அந்தந்த மாதத்தின் செலவுக்கு ஏற்ப பல லட்ச ரூபாய்களாக கூடிவிடும். இந்த ஏப்ரல் 2013 மாத ஜாமக்காரன் செய்தியை மார்ச் 27ம் தேதி எழுதி முடித்தேன். ஆகவே மார்ச் 27ம் தேதிவரை உள்ள பணவரவை எடுத்து எழுதியுள்ளேன்.

1969லிருந்து 2013 மார்ச் வரை கடன் வாங்காமல் என் பத்திரிக்கை ஊழியம் எனது என் அன்பு வாசகர்கள் அனுப்பும், காணிக்கைகளால் மிக வெற்றிகரமாக நடந்துக்கொண்டிருக்கிறது. காணிக்கை வரவுகள் இப்போது மணியர்டர் வழியாக அனுப்புவதைவிட ஆன்லைன் மூலமாகவும், டிடி, செக்(காசோலை) மூலமாகவும் வாசகர்கள் அனுப்புகிறார்கள்.

எல்லா காணிக்கை வரவு-செலவுகளையும் நானும், என் மனைவியும் மட்டுமே கையாளுகிறோம். வேறு யாரிடமும் அந்த பொறுப்பை ஒப்படைப்பதில்லை.

வருடம் ஒரு முறை என் வரவு-செலவு கணக்குகள் ஆடிட்டர் வசம் ஒப்பிவிக்கப்பட்டு கணக்கு விவரங்கள் அரசாங்க வருமானவரி துறைக்கு அனுப்பி வைக்கப்படுகிறது. அவர்களின் ஒப்புதலும் உடனே பெறப்படுகிறது. இத்தனை வருடங்களில் வருமான வரி துறைக்கு அபராதம் ஏதும் செலுத்தும் நிலை வந்ததில்லை. கர்த்தருக்கு ஸ்தோத்திரம்.

என் ஜாமக்காரன் வாசகர்களுக்குமட்டும் என் வங்கி கணக்கையும் - வரவு-செலவுகளையும் எப்போது வேண்டுமானாலும் நேரில் வந்து காணவும், அறியவும் உரிமை உண்டு.

பல வருடங்களாக என்னையும், என் ஊழியத்தையும், என் பத்திரிக்கை ஊழியத்தையும் தாங்கிவரும் அத்தனை வாசகர்களுக்கும் நாங்கள் குடும்பமாக நன்றி கூறுகிறோம்.

என் வாசகர்களை உணர்த்தி என் ஊழியத்துக்கு காணிக்கை அனுப்ப செய்யும் என் தேவாதி தேவனுக்கு ஸ்தோத்திரம்.