திருவனந்தபுரம் மாவட்டம் பரணியம் என்ற இடத்தில் லெக் மெமோரியல் CSI சபை 21வது வருட சபை தினகூட்டங்களில் கர்த்தருடைய செய்தியை பகிர்ந்துக்கொண்டேன். இந்த கூட்டங்கள் அந்த பகுதி மக்களுக்கு மிகவும் ஆசீர்வாதமாக அமைந்தது. கர்த்தரின் நாமம் மகிமைப்படுவதாக.

கிருஷ்ணகிரி மாவட்டம் காந்திகுப்பம் Kings Community Centre பள்ளி மற்றும் சமூக சேவை ஸ்தாபனம் நடத்திய ஒரு பகல் தியான கூட்டம் ஆசீர்வாதமாக அமைந்தது. கூட்டத்தில் கலந்துக் கொண்ட ஆசிரியைகளில் பெரும்பாலானவர்கள் இந்து மதத்திலிருந்து இயேசுவை ஏற்றுக்கொண்டவர்கள். அவர்கள் செய்தியை மிக கருத்தாய் கேட்டார்கள். இந்த ஸ்தாபனத்தின் டைரக்டரும், ஸ்தாபகருமான திரு.தாமஸ்வில்லியம் அவர்கள் கூட்ட ஏற்பாடுகளை சிறப்பாக செய்திருந்தார். புறமதஸ்த்தினருக்கிடையே சுவிசேஷம் அறிவிக்கும் செய்தியாக என் பிரசங்கம் அமைந்தது. கர்த்தருக்கு மகிமை உண்டாவதாக.

நீலகிரி மலையிலுள்ள பெரிய பெக்கட்டி என்ற இடத்தில் பெரும்பான்மை படுகா இன மக்கள் கிறிஸ்துவை ஏற்றுக்கொண்டு ஆராதிக்கும் இந்த சபையில் நான் கிறிஸ்துவைப்பற்றி பகிர்ந்துக்கொண்டது எனக்கு மிகவும் திருப்தியாக அமைந்தது. Rev.Stephen Daniel அவர்கள் ECI சபைகளின் District Chairmanஆக பொறுப்பேற்று சபை மக்களை மிகச்சிறப்பாக ஆவிக்குரிய ஜீவியத்தில் வழிநடத்துகிறார். அந்த ஊட்டி மலை குளிரில் அதிகாலை 5.30 மணிக்கு ஜெப கூட்டம் நடத்துகிறார். அந்த கடுமையான குளிரிலும் நிறைய பேர் கூடி ஜெபிப்பதை அறிந்து மிகவும் ஆச்சரியப்பட்டேன். சபைமக்கள் நன்றாக வசனத்தை கவனித்தார்கள். தேவ நாமம் மகிமைப்பட்டது.

சேலம் அருகே பவளத்தானூர் என்ற இடத்தில் அமைந்துள்ள இலங்கையிலிருந்து புலம் பெயர்ந்தோர் முகாமில் சிறு சபையை நடத்திவரும் பாஸ்டர்.மகேந்திரன் என்பவர் கர்த்தர் கொடுத்த அற்புத சுகத்துக்காக சபையாக சேர்ந்து நடத்திய ஸ்தோத்திர கூட்டம். இதில் பல இடங்களிலிருந்து சபை பாஸ்டர்கள் வந்து கலந்துக்கொண்டார்கள். சாட்சிகளின்மூலம் கர்த்தருடைய நாமம் மகிமைப்பட்டது.