Rt.Rev.K.B.YESUVARAPRASAD

  ஆந்திர மாநிலம் ராயல்சீமா CSI டையோசிஸ் பிஷப் Rt.Rev.K.B.YESUVARAPARASAD என்பவர் பிஷப் பதவியிலிருந்து நீக்கப்பட்டுள்ளார். CSIயின் புதிய மாடரேட்டராக பதவியேற்ற Most Rev.தேவகடாட்சம் (கன்னியாகுமரி பிஷப்) அவர்கள் பதவி நீக்க அறிவிப்பை வெளியிட்டார்.

  உதவி மாடரேட்டரும், பிஷப்புமான Rt.Rev.G.தேவாசீர்வாதம் அவர்களை ராயல்சீமா டையோசிஸ்ஸின் பிஷப் கமிஷனரியாக பொறுப்பெடுக்க ஏற்பாடு செய்துள்ளார்.

  கோயமுத்தூர் CSI டையோசிஸ் பிஷப்.துரை அவர்களின் பதவி நீக்கத்துக்குபிறகு, CSIயில் இரண்டாவது பிஷப்.ஏசுவரபிரசாத் அவர்களை பதவி நீக்கம் செய்தது CSIயின் புதிய ஆரோக்கிய சூழ்நிலையின் அடையாளமாகும். பண ஊழல் காரணமாக, அடுத்தடுத்து பிஷப்மார்கள் நீக்கப்படுவது CSIயில் நல்ல விழிப்புணர்வு உண்டாகிக்கொண்டிருப்பதின் அடையாளமாகும்.

CSI பிஷப்மார்களுக்காக கடந்த சில வருடங்களாக அந்தந்த திருமண்டலத்தின் குறிப்பிட்ட மக்கள் ஜெபித்ததும், போராடியதும் வீண்போகவில்லை. இது CSIயில் உண்டான உயிர்மீட்சியல்ல. ஆனால் நல்ல விழிப்புணர்வு உண்டாகியிருக்கிறது என்று மட்டுமே கூறலாம். சில பிஷப்மார்களுக்கு கிடைக்கவேண்டிய தண்டனைக்குமுன் மரணம் முந்திக்கொள்கிறது.

  இவைகள் யாவும் உயிரோடிருக்கும் CSI, மார்தோமா மற்றும் லூத்தரன் பிஷப்மார்களுக்கு தேவனால் கொடுக்கப்படுகிற எச்சரிக்கைகள் ஆகும்.

இதுநாள்வரை பணம், செல்வாக்கு, அரசியல் பின்னணி இவைகள்தான் பல பிஷப்மாரை தண்டனைக்கு தப்பிக்க வைத்தது. அதே சமயம் நமது தேவன் தலையிடும்போது அது எத்தனை பயங்கரமாக இருக்கும் என்பது கிறிஸ்தவர்களும், கிறிஸ்தவ தலைவர்களும் சமீபத்தில் நடந்த பிஷப்மார்களின் பதவி நீக்கம் இவர்கள் படிக்க வேண்டிய பாடமாகும்.

இந்த செய்தி கேட்க ஆச்சரியமாக இருக்கிறதல்லவா? ஆம். தமிழ்நாட்டில் பிஷப் ஒருவர் இறந்த செய்தி கேட்டு சில இடங்களில் சபை மக்கள் பட்டாசுகளை வெடித்து கொண்டாடியுள்ளதாக செய்தி வந்தது. பல ஆயர்கள் பெருமூச்சுவிட்டு சந்தோஷம் அடைந்தனர் என்றும் கேள்விப்பட்டபோது மிகவும் ஆச்சரியமாக இருந்தது. சில ஆயர்களுக்குமட்டும், அதாவது பிஷப் மூலமாக பலன் அனுபவித்தவர்களுக்கு நிச்சியமாக பிஷப் மரணம் வேதனையையும், இழப்பையும் கொடுத்திருக்கும்.

"என்றோ ஒரு நாள் நான்
இறந்துவிட்டதாக செய்தி வரும்.
அதை யாரும் நம்பவேண்டாம்.
ஏனெனில், அப்பொழுது
நான் இயேசுகிறிஸ்துவுடன்
வாழ்ந்துக் கொண்டிருப்பேன்."

ஒரு உண்மையான கிறிஸ்தவ விசுவாசி வேதவசனத்தின் மதிப்பை அறிவார்களேயானால் அவர்கள் ஏழைகளானாலும் தனக்கான வேதபுத்தகத்தை இலவசமாக வாங்கமாட்டார்கள். கூலிவேலை செய்யும் ஒரு விசுவாசிக்கு இலவச வேதம் கொடுத்தபோது, அவர் கூறினார். என்னை பரிசுத்த பாதையில் வழி நடத்தும், என் வாழ்க்கையின் வழிகாட்டியை, என்னை புது சிருஷ்டியாக்கிய அந்த வேதத்தை விலைகொடுக்காமல் வாங்க எனக்கு பிரியமில்லை. கொஞ்சகொஞ்சமாக பணம் சேர்த்து என் கூலி பணத்தில் எனக்கென்று அந்த வேத புத்தகத்தை நான் சம்பாதித்த பணத்தில் வாங்குவதில்தான் எனக்கு சந்தோஷம் எனக்கு பெருமையாகும் என்றார். வேதத்தின் ஆசீர்வாதம் பாவம் மன்னிக்கப்பட்ட கிறிஸ்தவ விசுவாசிகளுக்குத்தான் விளங்கும். வேதம் விலை மதிப்பற்றது- அல்லேலுயா! கிறிஸ்தவர்கள் இலவசமாக வேதபுத்தகம் வாங்கும் வழக்கத்தை தயவுசெய்து விட்டுவிடுங்கள். மற்ற மதத்திலிருந்து இயேசுவை ஏற்றுக்கொண்ட மிகவும் ஏழைகளுக்கு வேத புத்தகத்தை இலவசமாக கொடுக்கலாம்.

அமாவாசை-பௌர்ணமி நாட்களில் விசேஷ ஜெபகூட்டம் நடத்தும் ஊழியர்கள், பாஸ்டர்கள் யாரானாலும் அவர்கள் பிசாசினால் வழி நடத்தப்படுபவர்கள் ஆவார்கள். வேதவசன அடிப்படையில் வாழும் உண்மையான விசுவாசிகள் இப்படிப்பட்ட ஜெப கூட்டங்களுக்கு போகக்கூடாது. இப்படிப்பட்ட ஜெபகூட்ட செலவுக்கு பணம்கொடுப்பவர்கள் பிசாசுக்கு உதவி செய்பவர்களாவார்கள். இது பிசாசின் தந்திரமான திட்டமாகும். (மந்திரவாதிகளாக இருப்பவர்கள் அமாவாசை-பௌர்ணமி நாட்களை பிசாசுக்காக பயன்படுத்துவார்கள்). எச்சரிக்கை! எச்சரிக்கை!!

- ஜாமக்காரன்