என்னோடு தொலைபேசியில் தொடர்புக்கொள்ள முடியவில்லை, எப்போதும் உங்கள் தொலைபேசி எண் பிசியாகவே இருக்கிறது. உங்கள் நெம்பருக்கு போன் செய்தால் யாரும் எடுப்பதில்லை என்ற புகார் தொடர்ந்து வந்த வண்ணமாக இருக்கிறது. வாரத்தில் ஒருநாள் மட்டும் செவ்வாய்கிழமைமட்டும் வீட்டில் நான் இருப்பதைக்குறித்தும் ஒரே நாளில் அதிகாலையிலிருந்து நூற்றுக்கணக்கான தொலைபேசி அழைப்புகள் வந்துக்கொண்டேயிருக்கிறது. என் வீட்டில் நான்கு தொலைபேசி உண்டு. ஒருவரோடு பேசிகொண்டு இருக்கும்போது எப்படி மற்ற தொலைபேசியில் நீங்கள் அழைத்தால் உங்களோடு பேசமுடியும். ஒருவரிடம் பேசிவிட்டு அல்லது அவருக்கு ஆலோசனை கூறிவிட்டு அல்லது ஜெபித்துவிட்டுதான், உங்கள் Call-ஐ அட்டண்ட் செய்யமுடியும். எனக்கு ஆபீஸில் வரவேற்பாளர் இல்லை. டாக்டர் மற்ற போனில் பேசிகொண்டிருக்கிறார் என்று கூறி உதவவும் ஆட்கள் இல்லை. இதற்கென்று ஆட்களை நியமித்தாலும் பிரயோஜமில்லை. காரணம் நான் வீட்டில் இருப்பது ஒரே ஒருநாள்மட்டுமே அல்லது இரண்டு நாட்கள்மட்டுமே நான் இருப்பேன். ஆலோசனையோ - ஜெபமோ நான் மட்டுமே கொடுக்கமுடியும். என் மனைவி அநேகருக்கு ஜெபித்து ஆலோசனையும் கூறுகிறார்கள். ஆகவே என்னோடு தொலைபேசியில் தொடர்புகொள்ளமுடியாதவர் உங்கள் ஜெபகுறிப்புகளை, சந்தேகங்களை, ஆலோசனைகளை கடிதத்தில் எழுதுங்கள் அல்லது இ-மெயிலில் அனுப்புங்கள். உடனே பதில் எழுதமுடியாவிட்டாலும் தாமதமாகவாவது நிச்சயம் ஜெபித்து பதில் எழுதமுடியுமே!. ஆகவே தொலைபேசியில் என்னோடு தொடர்புக்கொள்ளமுடியாதவர்கள் கடிதம்மூலம் தொடர்புக்கொள்ளும்படி கேட்டுக்கொள்கிறேன்.

ஜாமக்காரனில் நான் எழுதும் அறிவிப்புகளை தயவுசெய்து கவனியுங்கள். அறிவிப்புகளை நிறையபேர் கவனிக்காததால் பலர் விலாசம் புதுப்பிக்கும் பாரத்தை (Form) பூர்த்திசெய்து அனுப்பவில்லை ஆகவே பலருடைய பெயர்களை விலாச பட்டியலிலிருந்து நீக்கிவிட்டோம். எனவே மீண்டும் உங்களுக்கு ஜாமக்காரன் வேண்டும் என்றால் பழைய கணினி எண் மற்றும் விலாசத்துடன் தொடர்புக்கொள்ளவும்.